Алкоголь өнімін өндіру аумағында оны сақтау және бөлшек саудада өткізу жөніндегі қызметті қоспағанда, алкоголь өнімдерін сақтауға және бөлшек саудада өткізуге лицензия беру.

Электрондық тәсілмен

Өтініш берушінің өтініші "электрондық үкіметтің" Web - қосымшасы арқылы берілген жағдайда:

Web-қосымша порталында авторлану www.egov.kz - "басты" - "бизнеске" басыңыз - "лицензиялау және аккредиттеу" басыңыз-бұдан әрі "лицензиялау" басыңыз - "алкоголь өнімін өндіру аумағында оны сақтау және бөлшек саудада өткізу бойынша қызметті қоспағанда, алкоголь өнімін сақтауға және бөлшек саудада өткізуге лицензия беру" таңдаңыз-нұқыңыз "Онлайн қызметке тапсырыс беру" - қажетті деректерді көрсету, өтінішті толтыру және өзіңіздің ЭЦҚ-мен қол қою.

Өтініш берушінің өтініші "электрондық лицензиялау" порталы арқылы берілген жағдайда www.elicense.kz

Web-қосымша порталында авторлану www.elicense.kz - "Өнеркәсіп және технологиялар" - одан әрі "алкоголь өнімін өндіру" - "алкоголь өнімін өндіру аумағында оны сақтау және бөлшек саудада өткізу бойынша қызметті қоспағанда, алкоголь өнімін сақтау және бөлшек саудада сату" – "онлайн қызметке тапсырыс беру" - қажетті деректерді көрсету, өтінішті толтыру және сіздің ЭЦҚ-мен қол қою.

Лицензия алу үшін қажетті құжаттар:

1)белгіленген нысандағы өтініш ("Е-лицензиялау"порталында);

2) лицензиялық алымды төлеу

3) объектіге құқық белгілейтін құжаттар: үй-жайды жалға алған жағдайда жалдау немесе өтеусіз пайдалану/сенімгерлік басқару шарты. Егер жалдау шарты 1 (бір) жылдан астам мерзімге жасалса, шарт құқықтық кадастрда міндетті мемлекеттік тіркелуге жатады. Тіркеу ХҚКО-да жүзеге асырылады.

4)объектінің кадастрлық нөмірі және үй-жай иесінің ЖСН/БСН (мәлімет нысанында көрсетіледі);;

5) объектіде Электрмен жабдықтаудың, сумен жабдықтаудың және кәріздің болуы (мәлімет нысанында көрсетіледі);

6) деректерді беру функциясы бар ФЖ БКМ болуы (мәлімет нысанында көрсетіледі).

 Лицензияны қайта ресімдеу үшін:

электрондық құжат нысанындағы өтініш;

лицензиялық алымды төлеу

мемлекеттік ақпараттық жүйелердегі құжаттарды қоспағанда, лицензияны және (немесе) лицензияға қосымшаны қайта ресімдеу үшін негіз болған өзгерістер туралы ақпаратты қамтитын құжаттардың электрондық көшірмелері.

Лицензиялық алымды төлеу:

1) лицензия алуға:

- Астанада, республикалық және облыстық маңызы бар қалаларда -100 АЕК;

- аудандық маңызы бар қалаларда және кенттерде - 70 АЕК;

- ауылдық елді мекендерде-30 АЕК.

2) лицензияны қайта ресімдеу кезінде – лицензиялық алым мөлшерлемесінің 10%.

Лицензиялық алымды төлеу жеке кәсіпкер үшін негізгі тіркелген жері бойынша 105402 БСК, заңды тұлға (ЖШС) үшін заңды мекен - жайы бойынша лицензиарға Мемлекеттік кірістер департаментіне (бұдан әрі-МКД) өтініш бергенге дейін жүзеге асырылады. Алкоголь өнімін сақтауға және бөлшек саудада өткізуге лицензия алуға өтініш қызмет объектісі орналасқан МКД беріледі.

Лицензиялық алымды төлеу екінші деңгейдегі банктер және банк операцияларының жекелеген түрлерін жүзеге асыратын ұйымдар арқылы қолма-қол және қолма-қол ақшасыз нысанда жүзеге асырылады. Сұрау салуды портал арқылы берген жағдайда төлем "электрондық үкіметтің"төлем шлюзі арқылы жүзеге асырылуы мүмкін.

Қызмет көрсету нәтижесі

Көрсетілетін қызметті берушінің лауазымды адамының электрондық цифрлық қолтаңбасымен куәландырылған электрондық құжат нысанындағы Лицензия немесе мемлекеттік қызметті көрсетуден бас тарту туралы дәлелді жауап беріледі.

Дайын лицензияны немесе дәлелді бас тартуды Жеке кабинетте "Менің рұқсат құжаттарым" немесе "Менің хабарламаларым"бөлімінен көруге болады.