POS-терминалды қолдануға қатысты

"Төлемдер және төлем жүйелері туралы" Қазақстан Республикасы Заңының 25-бабы 11-тармағына сәйкес дара кәсіпкерлер және (немесе) заңды тұлғалар, ортақ пайдаланылатын телекоммуникация желілері жоқ орындардағы тұлғаларды қоспағанда, жекелеген қызмет түрлерін жүзеге асыру кезінде өз қызметін жүзеге асыратын жерлерде төлем жүйелерін пайдалана отырып, төлемдерді қабылдауға арналған жабдықты (құрылғыны) орнатуды және қолдануды қамтамасыз етуге міндетті және (немесе) лездік төлемдер жүйесін пайдалана отырып төлемдерді қабылдау.

Қазақстан Республикасы Үкіметінің 2021 жылғы 1 шілдедегі № 457 қаулысымен салық төлеушілер POS-терминалды қолдануға міндетті қызмет түрлері айқындалды.

Бұл ретте, талап өз өндірісінің ауыл шаруашылығы өнімінің, өз өндірісінің акваөсіру (балық аулау) өнімінің көтерме және бөлшек саудасы саласындағы қызметті жүзеге асыратын дара кәсіпкерлерге және (немесе) заңды тұлғаларға; ортақ пайдаланылатын телекоммуникация желісі жоқ жерлерде орналасқан стационарлық емес сауда объектілері арқылы жүзеге асырылатын қызметке қолданылмайды.

Сонымен қатар, "Әкімшілік құқық бұзушылық туралы" Қазақстан Республикасы Кодексінің 194 – бабының 1-тармағына сәйкес дара кәсіпкердің немесе Қазақстан Республикасының аумағында сауда қызметін жүзеге асыру (жұмыстарды орындау, қызметтерді көрсету) кезінде оларды қабылдауға міндетті заңды тұлғаның төлем карточкаларын пайдалана отырып төлемдерді және (немесе) аударымдарды қабылдаудан бас тартуы-ескерту жасауға әкеп соғады.