«Патент құнының есеп-қисабын тапсыру тәртібі»
Патент негiзiндегі арнаулы салық режимiн қолданатын дара кәсіпкерлер тұрған жеріндегі салық органына патент құнының есеп-қисабын ұсынады.
Есеп-қисапты қағаз жеткізгіште немесе электрондық нысанда, оның ішінде «электрондық үкімет» веб-порталы арқылы тапсырылады. Есеп-қисап патенттің құнын есептеуге арналған салықтық есептілік болып табылады, 911.00 нысаны толтырылады.
Салық төлеуші патенттің құнын төлеуді есеп-қисап ұсынылғанға дейін жүргізеді. Қағаз жеткізгіштегі есеп-қисаппен бір мезгілде патент құнының төленгенін растайтын құжаттар ұсынылады.
Дара кәсіпкерлер есеп-қисапты табыс еткеннен кейін салық органы есеп-қисап ұсынылған күннен кейінгі бір жұмыс күні ішінде салық органының ақпараттық жүйесінде патент қалыптастыруды жүргізеді.
Содан кейін Патент нысаны есеп-қисапта көрсетілген мерзімге қалыптастырылады.
Тәуелсіздігінің 25 жылдығы
Қазақстан 2050
Мемлекеттік рәміздер
Нұрлы жол – Болашаққа бастар жол
