Құн өсімінен түсетін табысты айқындау кезіндегі меншік құқығының туындаған күні

Егер Азаматтық кодексте және "жылжымайтын мүлікке құқықтарды мемлекеттік тіркеу туралы"Қазақстан Республикасының Заңында өзгеше белгіленбесе, жылжымайтын мүлікке құқықтар (құқықтар ауыртпалықтары) мемлекеттік тіркелген кезден бастап туындайды, өзгереді және тоқтатылады. Егер тіркеуден бас тартылмаса, өтініш берген кез мемлекеттік тіркеу кезі деп, ал электрондық тіркеу кезінде - жүргізілген тіркеу туралы хабарлама жіберу арқылы тіркеуші органның құқықтардың (құқықтар ауыртпалықтарының) туындауын, өзгеруін немесе тоқтатылуын растау кезі танылады (Қазақстан Республикасы Азаматтық кодексінің 118-бабының 2-тармағы).

Электрондық тіркеу құқықтар (құқықтар ауыртпалықтары) мәміле, мұраға құқық туралы куәлік, меншік құқығы туралы куәлік негізінде туындаған, өзгертілген немесе тоқтатылған жағдайларда, сондай-ақ "жылжымайтын мүлікке құқықтарды мемлекеттік тіркеу туралы" Қазақстан Республикасының Заңында (бұдан әрі-заң) белгіленген өзге де жағдайларда жүзеге асырылады (Заңның 20-бабының 1-1-тармағы).

Құқықтарды (құқық ауыртпалықтарын) электрондық тіркеу Заңның 20-бабының 2-тармағында көзделген тәртіппен нотариат куәландырған мәміленің, мұраға құқық туралы куәліктің, меншік құқығы туралы куәліктің негізінде жүргізіледі.

Сонымен, нотариус мәмілені куәландырғаннан кейін, мұраға құқық туралы куәлік немесе меншік құқығы туралы куәлік бергеннен кейін:

электрондық цифрлық қолтаңбамен куәландырылған құқық белгілейтін құжаттың электрондық көшірмесін бірыңғай нотариаттық ақпараттық жүйе арқылы құқықтық кадастрдың ақпараттық жүйесіне жібереді;

жылжымайтын мүлікті сатып алушыға хабарлайды:

бірыңғай нотариаттық ақпараттық жүйе берген құқық белгілейтін құжаттың бірегей нөмірі туралы;

уәкілетті органмен және монополияға қарсы органмен келісу бойынша орталық мемлекеттік органдар арасынан Қазақстан Республикасы Үкіметінің шешімімен айқындалатын уәкілетті орган белгілеген жылжымайтын мүлікке құқықтарды мемлекеттік тіркегені үшін ақы төлеу сомасы туралы немесе ақы төлеуден босату туралы;

жылжымайтын мүлікті сатып алушы жылжымайтын мүлікке құқықтарды мемлекеттік тіркеу үшін ақы төлеуден босатылған жағдайда, жеңілдікке құқықты растайтын құжатты сканерлейді;

құқықтық кадастрдың ақпараттық жүйесіне жібереді:

мәмілеге қатысушылардың интернет желісіндегі электрондық мекенжайлары - олар болған кезде;

тұлғаның жылжымайтын мүлікке құқықтарды мемлекеттік тіркегені үшін ақы төлеуден босатылғанын растайтын құжаттың электрондық көшірмесі (Заңның 20-бабы 2-тармағының 1) тармақшасы).

Өз кезегінде, электрондық тіркеу құқықтық кадастрдың ақпараттық жүйесіне жылжымайтын мүлікке құқықтарды мемлекеттік тіркегені үшін ақы төленгені немесе ақы төлеуден босатылғаны туралы растау келіп түскен күннен кейінгі бір жұмыс күнінен кешіктірілмей жүргізілуге тиіс (Заңның 23-бабының 1-1-тармағы).

Баяндалғанның негізінде құн өсімінен түсетін табысты айқындау кезінде меншік құқығының пайда болу күні тіркеуді бекіту күні болып табылады.