Алматы облысы бойынша Мемлекеттік кірістер департаменті дөңгелек үстел өткізді

Алматы облысы бойынша Мемлекеттік кірістер департаментінің басшысы С.А.Дынбаевтың төрағалығымен 2020 жылдың 30 қарашасында Талғар медициналық колледжінің ғимаратында облыстық және аудандық ведомстволардың, "Атамекен" кәсіпкерлер палатасының, қоғамдық ұйымдардың басшылары мен өкілдерінің және журналистердің қатысуымен дөңгелек үстел өткізілді.

Дөңгелек үстелде көлеңкелі экономикаға қарсы күрестің тиімділігін қамтамасыз ету, акцизделетін өнімдердің көлеңкелі айналымының көлемін азайту, заңсыз кәсіпкерлік қызметпен айналысатын тұлғаларды анықтау және ЖК ретінде тіркеусіз тұрған және ондағы тұрғын үйлерді тапсыру мәселелері талқыланды.

Салықтық және кедендік әкімшілендіруді дамыту жобасы шеңберінде жаңа техникалық және технологиялық шешімдерді ескере отырып, ақпараттық жүйелерді дамыту бойынша жұмыстар жоспарлы түрде жүргізілуде. Көлеңкелі экономикамен күресу үшін Мемлекеттік кірістер комитеті көптеген ақпараттық жүйелер мен пилоттық жобаларды әзірледі.

Соңында Алматы облысы бойынша Мемлекеттік кірістер департаментінің басшысы Сырым Амангелдіұлы Дынбаев дөңгелек үстелдің барлық қатысушыларына белсенді қатысқаны үшін алғысын білдірді. Мемлекеттік және қоғамдық органдармен тұрақты өзара іс-қимыл көлеңкелі экономика айналымының деңгейін төмендетуге бағытталған барлық іс-шараларды тиімді іске асыруға мүмкіндік беретінін атап өтті.