Алматы облысының кәсіпкерлер палатасының алаңында дөңгелек үстел өтті

2020 жылдың 25 ақпанында Алматы облысының кәсіпкерлер палатасының алаңында Алматы облысы бойынша Экономикалық қылмысқа және сыбайлас жемқорлыққа қарсы күрес департаменті, Алматы облысы бойынша Экономикалық қылмысқа және сыбайлас жемқорлыққа қарсы күрес департаменті қызметкерлерінің, прокуратура, екінші деңгейлі банк филиалдарының өкілдерінің қатысуымен дөңгелек үстел өтті. Онда көлеңкелі экономикаға қарсы әрекет етуге бағытталған екінші деңгейдегі банктердегі заңды тұлғалардың қолма-қол ақша айналымының көлемін азайту бойынша шаралар қабылдау жөніндегі ұсыныстар талқыланды.

Дөңгелек үстел барысында Алматы облысы бойынша Мемлекеттік кірістер департаментінің өкілдері (камералдық мониторинг басқармасының басшысы М. Әбденов, жанама салықтарды әкімшілендіру басқармасының басшысы З. Мейрамғазимов, Заң басқармасының басшысы М. Омирзаков, Мемлекеттік қызмет көрсету сапасын дамыту және бақылау бөлімінің басшысы А. Болат) қатысушыларды салықтық әкімшілендіру, тәуекелдерді басқару жүйесін қолдану, "қоныс аударатын" салық төлеушілермен таныстырды, олардың нәтижелері бойынша салықтарды барынша азайтудың түрлі схемаларын қолданатын бизнес құрылымдар анықталуда.

Мәселен, көлеңкелі экономикаға қатысушылардың қызметін болдырмау мақсатында 2019 жылы облыстың мемлекеттік кіріс органдары тіркеу мен мәмілелерді жарамсыз деп тану үшін сотқа 118 талап арыз берді. Бұдан басқа, тәуекелдерді басқару жүйесін қолдана отырып, электрондық шот-фактуралардың ақпараттық жүйесі негізінде ҚҚС әкімшілендіруді жетілдіру бойынша пилоттық жоба іске қосылды. 20.02.2020 ж. жағдай бойынша 106 салық төлеушіге ЭШФ үзіндісінің жалған екені расталды және ЭШФ үзіндісін бұғаттау жүргізілді.

Тұрақты негізде Экономикалық тергеу қызметімен өзара іс-қимыл жүргізіледі. 2020 жылдың 2 айында қозғалған қылмыстық істер бойынша салықты дұрыс есептеу туралы 11 қорытынды жолданды. Тәуекелдік кәсіпорындардың тізімі дайындалды.

С. Шайкенов Алматы облысы бойынша Мемлекеттік кірістер департаментінің оңалту және банкроттық бөлімі басшысының м.а. ҚР "Оңалту және банкроттық туралы" Заңындағы өзгерістер туралы айтып, екінші деңгейлі банктерге ұсыныстар берді.

 Дөңгелек үстел қорытындысы бойынша ақша қаражатын заңсыз қолма-қол ақшаға айналдыру көлемін төмендету бойынша бірқатар ұсыныстар әзірленді.

Түсіндіру жұмысы басқармасы

Алматы облысы бойынша МКД