Баспасөз релизі

Қырғызстанның Еуразия экономикалық одаққа қосылу мәселелері туралы

Қазақстан Республикасының Президенті Н.Ә. Назарбаев «Қырғыз Республикасын Еуразия экономикалық одақ туралы шартқа қосу туралы шартты ратификациялау туралы» 2014 жылғы 29 мамырдағы Қазақстан Республикасының Заңына қол қойды.

Көрсетілген Шарттың 1-тармағына сәйкес Қырғыз Республикасы оған, сонымен қатар Еуразия экономикалық одақтың құқығына кіретін басқа да халықаралық келісімдерге қосылады және Шарт күшіне енген күннен бастап Еуразия экономикалық одақтың мүшесі болады.

Шарттың 11-тармағында аталған акт дипломатиялық арналар бойынша депозитарийді оның күшіне енуіне қажетті Тараптардың мемлекетішілік ресімдерді орындалуы туралы соңғы жазбаша хабарламаны    алған күннен бастап күшіне енеді.

Қырғыз Республикасы Одаққа қосылған күннен бастап оның аумағында Кеден одағының кеден заңнамаларын қоса алғанда Одақтың халықаралық шарттары күшіне енеді.

Осылайша, Одақ шеңберінде бірыңғай кедендік реттеу жүзеге асырылады және кедендік бақылауды және декларациялауды қолданбай-ақ ЕЭО мүше мемлекеттерінің аумақтары бойынша тауарларды еркін өткізу қамтамасыз етіледі.

Алайда шекарада ҚР тарапынан шекаралық, көліктік, фитосанитариялық және ветеринариялық бақылау қалады.

Қазақстан Республикасы Қаржы министрлігі Мемлекеттік кірістер комитеті Қазақстан Республикасы және Қырғыз Республикасы арасындағы мемлекеттік шекарада  тауарлар мен көліктік құралдарына кедендік бақылауды жою Еуразия экономикалық одақтың соңғы жазбаша хабарламаны алғандығы туралы хабарлаған уақыттан бастап жүргізілетін болады.

Бірақ, жақында ЕЭО-дан осындай хабарлама алынады деп күтілуде, хабарламаны алғаннан кейін Кедендік шекараның салтанатты ашылуы болады.

Мемлекеттік кірістер комитеті Қырғыз Республикасының ЕЭО қосылуына байланысты ЕЭО мүше мемлекеттер арасында тауарлардың импортына қатысты кейбір қағидалар туралы ақпараттандырады.

ЕЭО шеңберінде бір мүше мемлекеттің аумағынан екінші мүше мемлекеттің аумағына тауарларды импорттау кезінде егер тауарларды акциздік маркаларды (есепті-бақылау маркалары, белгілері) таңбалауға қатысты осы мүше мемлекеттің заңнамасында көзделмесе тауар импортталатын мүше мемлекеттің салық органымен жанама салықтар өндіріп алынады.

Тауарлармен өзара саудада жанама салықты өндіріп алу ҚҚС-тың нөлдік ставкасын қолдану және (немесе) тауарлардың экспорты кезінде акциздерді төлеуден босату, сондай-ақ импорттау кезінде жанама салық салық салу көзделген межелі елдің қағидаты бойынша жүзеге асырылады.

Импортталған тауарлар бойынша ҚҚС салық төлеушінің тұрған жері (тұрғылықты жері) бойынша келесі салықтық кезеңге дейінгі айдың 20-нан кешікпей төленеді.

Қазақстан Республикасының аумағына Кеден одағына мүше мемлекеттер аумағынан тауарларды импорттау кезінде салық төлеуші тұрған (тұрғылықты) жері бойынша салық органына келесі салықтық кезеңге дейінгі айдың 20-нан кешікпей қағаз нұсқасында және электронды түрде не тек электронды түрде импортталған тауарлар бойынша жанама салық туралы декларацияны тапсыруға міндетті.   Аталған декларациямен бір уақытта салық төлеуші Салық кодексінің 276-20-бабы 3-тармағының 1) - 8) тармақшаларында көзделген құжаттарды, оның ішінде Тауарды әкелу және жанама салықты төлеу туралы арызды қағаз нұсқасында (төрт данада) және электронды түрде, не тек электронды түрде салық органдарына ұсыну қажет.

Жұмысты, қызмет көрсетуді атқару кезінде жанама салықты өндіріп алу жұмысты, қызметты іске асырған жердің аумағындағы мүше мемлекетте жүзеге асырылады.

ҚР ҚМ МКК Баспасөз қызметі