Сатып алушылардың БКМ чегінде көрсету үшін ЖСН нөмірін беруіне қатысты

Қазақстан Республикасы Қаржы министрлігінің Мемлекеттік кірістер комитеті деректерді беру хаттамасына қатысты деректерді тіркеу және (немесе) беру функциясы бар бақылау – касса машиналарынан фискалдық деректер операторларының серверіне мыналарды хабарлайды.

«Салық және бюджетке төленетін басқа да міндетті төлемдер туралы (Салық кодексі)» Қазақстан Республикасы кодексінің 166-бабы 5 – тармағының 2) тармақшасына сәйкес бақылау-касса машиналарын қолдану кезінде тауарға, жұмысқа, көрсетілетін қызметке төленген сомаға БКМ чегін немесе тауар чегін беру жүзеге асырылады.

Сонымен қатар, Салық кодексінің 166-бабының 6-тармағына сәйкес БКМ чегін қамтуы тиіс ақпарат тізбесі белгіленген.

Өз кезегінде, салық кодексінің 166-бабы 7 – тармағына сәйкес онлайн-БКМ чегі сатып алушының (клиенттің), тауарларды, жұмыстарды, көрсетілетін қызметтерді алушының талабы бойынша сатып алушының (клиенттің), алушының сәйкестендіру нөмірін (бұдан әрі-ЖСН) қамтуы тиіс.

Осылайша, тауарды сату (жұмысты орындау, қызметті көрсету) кезінде сатушы БКМ чегін беруге және сатып алушының (клиенттің) талабы бойынша БКМ чегінде сатып алушының (клиенттің), алушының ЖСН көрсетуге міндетті.

Сондай – ақ, 2022 жылдан бастап модельдері мемлекеттік тізілімге енгізілген онлайн-БКМ қолданатын салық төлеушілерге (бұдан әрі-ЖТ) сатып алушының ЖСН енгізу функциясын қоса отырып, БКМ қайта бағдарламалау қажет.

Қазақстан Республикасының «Әкімшілік құқық бұзушылық туралы» Кодексінің 284 бабына сәйкес БКМ бақылау чегінде келесі деректемелердің біреуін немесе бірнешеуін көрсетпегені үшін:

1) СТ атауы;

2) ЖСН;

3) БКМ зауыттық нөмірі;

4) Мемлекеттік кірістер органында БКМ тіркеу нөмірі;

5) чектің реттік нөмірі;

6) тауарларды сатып алу, жұмыстарды орындау, қызметтерді көрсету күні мен уақыты;

7) тауардың, жұмыстың, көрсетілетін қызметтің бағасы және (немесе) сатып алу сомасы;

8) осы бөліктің 1)-7) тармақшаларында белгіленген бір немесе бірнеше деректемелердің фискалдық белгісі не аппараттық-бағдарламалық кешендердің (банктер және банк операцияларының жекелеген түрлерін жүзеге асыратын ұйымдар қолданатын аппараттық – бағдарламалық кешендерді қоспағанда) бақылау чегінде көрінбеуі, – ескерту жасауға әкеп соғады.

Бұл ретте БКМ чегінде сатып алушының (клиенттің), алушының ЖСН көрсетілмегені үшін әкімшілік жауапкершілік көзделмеген.