Салық органдарында ҮИЖ-ді қалай тіркеуге болады

Кәсіпкерлік қызметті жүзеге асыру кезінде пайдаланылатын ҮИЖ салық төлеушінің орналасқан жері бойынша Мемлекеттік кірістер органдарында тіркелуге жатады.

ҮИЖ-ді есепке қою, өзгерту, есептен шығару салықтық өтініш бойынша, орналасқан жері бойынша Мемлекеттік кірістер органдарында келу тәртібімен немесе салық төлеушінің кабинетінде электрондық түрде жүзеге асырылады.

Пайдаланушы ҮИЖ-ді тіркеу үшін Мемлекеттік кірістер органдарына қағаз жеткізгіште мынадай құжаттарды ұсынады:

- белгіленген нысандағы өтініш;

- белгіленген нысандағы өтінішке қосымша және Біреуден артық кәсіпкерлік қызмет объектісі болған кезде өтінішке қосымша;

- ҮИЖ техникалық құжаттамасы;

- ҮИЖ өндірушінің паспорты;

- деректерді тіркеу және беру функциясы бар БКМ тіркеу карточкасы;

- ҮИЖ иесінің қорытындысы.